Желіде бизнес беделді қалай қалыптастыруға болады?

Әлеуметтік желіде сөз еркіндігі деген дүние бар. Сондықтан бүгінгі жаһанданған заманның кәсіпкерлеріне қойылатын талап та жоғары. Әлеуметтік желі арқылы кәсіпті оңай дөңгелетуге мүмкіндік болғанымен, сәйкесінше  сіздің өніміңіз жайлы тұтынушы клиенттеріңіз ойына не келсе соны жазуы ықтимал.

Тіпті, өмірде көріп те жүрміз. Интернет арқылы сатып алатын немесе тапсырыс беретін компанияның астына жазылған халықтың пікірі арқылы ол орталықтың қызмет сапасы, жұмыс көрсеткіші жайлы 70 % анық білуге болады.

Ал кәсіпкердің басты бүгінгі проблемасы сол пікірдің рас не өтірік екендігін алдын алып, шара қолдана алуы.

      75% адамдар сатып алу барысында «кері байланыс» пікірді оқиды екен. Ал олардың жартысынан астамы негативті оқыса, ол компаниядан зат алуға үзілді-кесілді бас тартады.  Ал кебір компаниялар желідегі пікірді жүйеге келтіру арқылы айына жарты миллион доллардан астам кіріс кіргізеді.

Әлеметтік желідегі бедел дегенеміз не?

Интернеттегі бедел дегеніміз-  бұл сіздің компанияңыз жайлы елдің пікірі, өнімнің сапасы мен басшысының басқару әрекетін жатқызамыз. Кез келген жағдайда клиент те, серіктес те, әріптес те жұмыс барысы бойынша сізбен байланысыңызды желідегі өз парақшалыраны немесе блогқа жазып, жарияға жар салады.

ЕГЕР СІЗ ӨЗ ЖЕКЕ БРЕНДІҢІЗДІ НЕМЕСЕ КОМПАНИЯ БРЕНДІН ҚАЛЫПТАСТЫРМАСАҢЫЗ, СІЗ ҮШІН ӨЗГЕЛЕР ОНЫ ЖАСАЙДЫ

Бас қатыратын мәселенің алдын алу үшін тұтынушы клиенттен кері байланысты көзбе көз нақтылап сұрап алыңыз. «Компанияның қызметі сізге ұнады ма әлде ескертуіңіз  бар ма», деп анықтаған дұрыс.

Тағы бір ескертетін дүние, әлеуметтік желіде «жақсы» пікірлер «жаман» ойлардан көп болса, онда компания беделі жоғарылай түседі. Ал, бірыңғай «жақсы» пікірден құралса, ол да күмән тудыртады. Сондықтан теңдей байланысты барынша ұстанған жөн.

Пікірлерді қалай бақылаған дұрыс?

Желіні әрбір 2 сағат қарап отыру кейде жағдайдың ушығуына әкеледі. Мәселен, тұтунышыңыз алған затына көңілі толмай, дәл сол арада интернетке теріс пікір жазып жіберді делік. Ал ол хабар сіздің бәсекелес компанияларыңызға таяу арада жетеді. Бұл тығырыққа тірелген жағдай деген сөз. Сондықтан мониторинг сервисін қосып, тиянақты түрде компанияға қатысты пікірді бақылаңыз.

Қызметті бақылау былай жүзеге асады:      

      — Brand Analytics

      — YouScan

      — Крибрум

      — IQBuzz

Баптау (настройка) бөлігінде сізге маңызды, іздейтін кілт сөздерді теріп, енгізесіз. Қызмет көрсету бағдарламасы бірнеше минуттан соң, сіздің компанияңызға қатысты сөздерді тауып, жағымсыз жаңалық болса бірден ескертеді.

Егер мұндай ақылы қызмет түрін пайдалануға мүмкіндігіңіз болмаса, онда тегін    Google Alerts қызметін қолданыңыз.   

Берілген анықтама ақпаратты толтыру арқылы күнделікті e-mail  почтаңызға Google дайджесттен хабарлама алып отырасыз.

Қызметкерлердің көмегімен беделді қалай құруға болады?

Компаниядағы қызметкерлердің, әлбетте, әлеуметтік желіде өз парақшалары болады. Ал олардың ең белсенділілерін жиып алып, арнайы жиналыс өткізіп, компанияның беделіне зиян келтіретін ақпараттарды бөліспеу керектігін ескерткен жөн. Неге? Өйткені қоғамда қуатты компания беделі өте танымал болғандықтан тіпті кішкентай жағымсыз ақпараттың өзі үлкен кесір  тигізеді.

Бұл жайында көрші Ресей елінде болған жайды айта кетсек, Омский зауытында сыр дайындап шығаратын қызметкерлер сүтке шомылған суреттерін желіге бөліседі.

Халық арасында мұндай әрекетке дау шығып, аталмыш компанияның зауытынан сыр өнімін сатып алмайтын жағдайға жеткен. Істің соңында зауыт жабылған.

Мінекей, ойыннан от шықты деген осы. Нарық дамыған заманда өнімнің сапалы шығарудан бастап, қызметкер әрекетін дейін қатаң бақылауда аяқ басқан дұрыс.

Жоғарыдағы кеңесті саралай келе “желідегі негатив сұрақтарға қалай жауап берген дұрыс?” деген сауал мазалайды.

Компанияға қатысты сұрақ қойылса, бей-жай қалдырмай, жылдам жауап берген оңтайлы. Алайда, “таспен ұрғанды аспен ұр” деп қазақ халқы айтпақшы, жаман сөздер айтқан адамдарға барынша салқын қандылықпен жауап қатқан абзал. Кіналаушы тараптың сөзін шындық не жалған екендігіне көз жеткізіп, лүпіл басып, шешімін ескерткен жөн. Бастысы негатив тараптың деңгейіне түспеңіз. Хэйтердің боғауыз сөзіне ашумен жауап жазу істі одан сайын ушықтырады. Есіңізде болсын, негатив адаммен жеке сөйлессеңіз де “скриншотпен” екеу ара жазысқан хабарламаны халыққа таратып жібереді.

Сонымен қатар, егер сіз екінші тарапқа компания атынан “мысқылмен” жауап беріп бастасаңыз, онда аяғына дейін осы принципте “мысқылмен” жауап беріңіз.

Ал бастапқыдан “кешірім сұрасаңыз”, онда істің соңына дейін “кешірім сұрайсыз”. Өйткені бастапқы беделді қайта басынан қалыптастыру ең қиын іс.

Компания тарапынан шындығында қателік кетсе, онда дүйім жұрт алдында позитивті түрде мойындаған абзал. Себебі шынайылық халық тарапынан оң бағаға ие.

Мінекей, әлеуметтік желі арқылы қаншама іс насырға шауып, қаншама мәселе шығып, тіпті, білдей бір орталықтың жабылуына әкелуі мүмкін. Бұл сиқырлы әлем саналатын желіні байыппен қолданбаса, кесірі кері өзіңе тиеді. Сондықтан, ақырын жүріп, анық басып, желіде бақылауды күшейтіп, өз беделіңізді қалыптастыруға қазірден кірісіңіз. Әйтпесе, өзгелер сіз үшін “тон пішіп” кетеуі ғажап емес.

Коммент қосу

Ваш e-mail не будет опубликован. Обязательные поля помечены *